Personi që shihni në foto është 20-vjeçari Pavlin Preka, i cili u ekzekutua me armë zjarri ditën e djeshme në Shkodër. I riu është gjetur pa shenja jeta pranës banesës së tij në fshatin Guci e Re.
E teksa kanë kaluar rreth 20 orë nga kjo ngjarja Policia e Shkodrës ende nuk ka një pistë. Familjarët e 20-vjeçari kanë pohuar se nuk kanë dijeni se kush mund të jenë autorët.
Burime për mediat bëjnë me dije se autoritetet deri më tani kanë shoqëruar rreth 20 persona, të cilët janë komshinj, shtetas që kanë pasur komunikim me viktimën por edhe persona të tjerë të cilët njihen në zonë si problematikë.
Ngjarja e rëndë ndodhi pasditen e së enjtes. Ishte xhaxhai i 20-vjeçarit, Nikollë Preka personi i cili e gjeti nipin e tij të vrarë. Viktima jetonte i vetëm në shtëpi ndërsa ushqehej tek familja e xhaxhait që e kishte shumë afër. Pasi e kishin telefonuar disa herë për të ngrënë drekën, i riu nuk i ishte përgjigjur dhe si rjedhojë xhaxhai i tij kishte shkuar tek banesa duke menduar se mos ishte në gjumë.
Por, në atë moment e gjeti 20-vjeçarin të shtrirë në oborrin e banesës. Menjëherë ai telefonoi policinë, të cilët mbërritën në vendin e ngjarjes dhe filluan hetimet.
Ndërkohë, vlen të theksohet se komshinjtë kanë deklaruar para grupit hetimor se nuk kanë dëgjuar krisma, çka çon në dyshimin se vrasja mund të jetë kryer me pistoletë me silenciator.
Lexo edhe:
