Arda Guler ka njoftuar presidentin e Real Madridit, Florentino Perez, se në verë dëshiron largimin.
Ai e ka bërë të qartë se nuk po kërkon për huazim, por për shitje përfundimtare nga klubi madrilen. Ai është i zhgënjyer dhe, madje, i befasuar, me mungesën e minutazhit nga trajneri Carlo Ancelotti.
20-vjeçari ka treguar cilësitë e tij në Kupën e Mbretit së fundmi, por deri tani tekniku italian nuk i ka dhënë hapësirat që priste.
Ancelotti ka deklaruar vazhdimisht se Guler ka nevojë për kohë që të rritet, por duket se turku nuk ka kohë për të pritur. Klubi i interesuar për të raportohet se është Bayern.
Guler aktualisht vlen 50 mln euro, shifër të cilën Bayern është i gatshëm ta paguajë.
