Edi Rama e nisi mëngjesin e sotëm si avokat i patronazhistëve!
“Patronazhistët janë më të fortë se kurrë dhe më të angazhuar për zgjedhjet e 11 majit”, u shpreh Rama në rubrikën “Sy m’Sy” në Facebook, duke njoftuar edhe nisjen e bisedimeve me grupet e punës për zgjedhjet.
Duke mbrojtur patronazhistët Rama theksoi se ata i kanë të gjitha partitë serioze në botë.
“Dje kemi pasur disa biseda shumë interesante me grupet tona të punës dhe të patronazhistëve patronazhistët janë më të mobilizuar se askush tjetër dhe janë të angazhuar që në 11 maj ti japin emrit të tyre një kuptim drithërues për të gjithë kundërshtarët dhe sidomos për ata që i përflasin e përqeshin dhe kam shumë besim se do t’ia dalin. I merrni te keqen patronazhistëve, janë një armatë njerëzish që janë pjesë e armatës sonë politike dhe si në gjithë botën atje ku ka parti serioze dhe jo këneta e jo kua…kua…kua… Patronazhistët bëjnë punën që bëjnë të gjithë në parti serioze në të gjithë botën. Shkojnë derë më derë. Ata janë më të fortë se asnjëherë tjetër. Po t’i kishin patronazhistët edhe partitë e tjera atëherë mbase do i kishim më të vështira betejat e ndeshjet tona”- tha Rama.
LEXO EDHE:
Frikë për patronazhistët? Pse Rama kritikoi strukturat e SPAK për krimin zgjedhor
