Serie A e futbollit mbylli këtë të hënë raundin e 26-të. Në “Olimpico” Roma vendase fitoi 4-0 kundër Monzës duke bindur me lojë për të zhytur miqtë në fundin e renditjes.
Sfida u zhbllokua pas 10-të minutave lojë nga Saelemaekers. Më pas në minutën e 32-të do ishte Shomurodov që do kompletonte golin dhe asistin në këtë duel për të qetësuar në stol Ranierin.
Pjesa e dytë sërish vijoi me të njëjtën “melodi” dhe Roma shënoi dy gola të tjerë me Angelino dhe Cristante.
Kështu me 40 pikë Roma mbetet në vendin e nëntë, dy pikë pas zonës evropiane, teksa ka dhjetë ndeshje radhazi pa humbje në kampionat. Për të gjetur disfatën e fundit duhet të kthehemi në 15 dhjetorin e vitit të shkuar kur Como i mposhtte 2-0.
Nga ana tjetër Monza nuk po “ngre kokë” dhe pëson humbjen e 16-të sezonale, duke mbetur në vendin e fundit (20) me vetëm 14 pikë.
