Është luajtur këtë të dielë java e 24-t e Kategorisë së Parë, ku ngë 6 sfida, vetëm 3 ekipe kanë arritur të marrin fitore, ndërsa 3 ndeshje të tjera u mbyllën në barazim.
Vora e vendit të parë luante në transfertën e Valbonës, duel i mbyllur me rezultatin minimal 0-1. Vorakët arritën ta shënonin golin vetëm në minutat shtesë me të përhershmin Ruzgis, i cili vazhdon të udhëheqë dhe listën e golashënusve me diferencë nga të tjerët.]
Ndërkohë, Flamurtari i vendit të dytë ka zhgënjyer në transfertën e Kukësit, ku nuk arritën të merrnin më shumë se një barazim 1-1. Fillimisht ishte Kukësi që kaloi në avantazh me Hilajn, teksa vlonjatët barazuan me Oshafin në minutata shtesë për të mos dalë me humbje dhe për t’i hequr nga duart fitoren Kukësit.
Ndërkohë, Besa ka arritur të marrë një fitore të pastër me rezultatin 0-2 në transfertë përballë Korabit. Ka qenë Spahiu, ai i cili me nga një gol për secilin fraksion loje i dha fitoren kavajasve.
Në ndeshjet e tjera. Kastrioti-Pogradeci dhe Apolonia-Burreli janë mbyllur në barazim pa gola, ndërsa Lushnja ka fituar me rezultatin 3-0 përballë Erzenit.
Pas kësaj jave, Vora shkëputet me 4 pikë në vendin e parë nga FLamurtari i vendit të dytë, të cilit tashmë diferenca me Besën i ngushtohet në 7 pikë.
LUSHNJA 3-0 ERZENI
20′, 27′ Xhabrahimi, 69′ Preknicaj
KASTRIOTI 0-0 POGRADECI
APOLONIA 0-0 BURRELI
KORABI 0-2 BESA
13′, 58′ Spahiu
KUKËSI 1-1 FLAMURTARI
52′ Hilaj / 90’+2′ Oshafi
VALBONA 0-1 VORA
90’+3′ Ruzgis
