Sfida Teuta-Tirana e vlefshme për javën e 26-të të Kategorisë Superiore ka nisur me një ritëm të lartë pasi në 17 minutat e para kanë shënuar dy gola.
Fillimisht bardheblutë morën avantazhin në minutën e 13-të. Ernest pason për Jarmouni, ky i fundit gjen golin por anësori ia anulon. Pas rishikimit në VAR, goli është i rregullt.
Ndërkohë kundërpërgjigja e durrsakëve ishte e shpejtë, teksa në minutën e 17-të Dynel Simeu riktheu baraspeshën. Kruja harkon nga këndorja, Simeu përfiton nga rrëmuja në zonë dhe gjen golin e parë në Superiore.
