Një aksident ka ndodhur pasditen e kësaj të premte në fshatin Dragostunjë në Librazhd, ku dy persona kanë mbetur të plagosur pas përplases së dy makinave.
Burime zyrtare bëjnë me dije se automjeti tip Hundai, me drejtues Edmond Terova, është përplasur me automjetine drejtuar nga Klevis Jaupaj.
Nga ky aksident raportohet se drejtuesi i njërit prej automjeteve të përfshira në aksident dhe një pasagje mbetën të plagosur. Ata u transportuan për mjekim në Spitalin Rajonal Elbasan.
U bë me dije se mjetet kanë pësuar dëme të konsiderueshme, ndërsa policia po heton për të zbardhur shkaqet e këtij aksidenti.
