Një nga emrat që i është bashkuar garës së primareve në Partinë Demokratike është Dr. Erion Dasho, mjek i njohur me eksperiencë të gjatë në sistemet shëndetësore të shumë vendeve të botës. Me një karrierë të ndërtuar kryesisht në Gjermani, ai rikthehet për të kontribuar në qytetin e tij të lindjes.
Duke hyrë në këtë garë, Dr. Dasho nuk synon vetëm të kontribuojë me ekspertizën e tij profesionale, por edhe të sjellë një qasje të re në politikë – të bazuar në dije, përvojë dhe zgjidhje konkrete për sfidat e qytetarëve shqiptarë. Këtë ai e ka provuar në vite në fushën e vet të shëndetësisë, ku ka ofruar vazhdimisht ide të zbatuara në vende ku shëndetësia funksionon në nivelin më të lartë.
Përmes këtij angazhimi, Dr. Dasho i jep një dimension të ri debatit politik brenda opozitës, duke e orientuar atë drejt gjetjes së rrugëzgjidhjeve për përmirësimin e saj. Mbi të gjitha, afrimi i Dr. Erion Dashos sjell shpresë për rikthimin e mijëra mjekëve të larguar drejt vendeve të tjera gjatë viteve të fundit dhe, pse jo, të gjithë qytetarëve shqiptarë.
