Është zbardhur dëshmia e Sebastian Muçmata, i cili ditën e djeshme plagosi me armë zjarri Elvis Halilajn, kushëririn e kryebashkiakut të Kukësit, Albert Halilaj.
Në deklaratën e tij në ka dëshmuar se konflikti nisi për shkak të detyrës së vëllait.
Sebastian Muçmata ka deklaruar se vëllai i të plagosurit, i ka drejtuar armën babait të tij, dhe më pas ai ka marrë një armë pistoletë që e mbante në makinë dhe ka qëlluar në drejtim të dy vëllezërve Halilaj.
Po ashtu 29-vjeçari ka treguar se Qerim e Elvis Halilaj kanë dhunuar dhe kanë lënë pa ndjenja vëllain e tij Zenel Muçmata, i cili mban postin Drejtorit të Drejtorisë së Shërbimeve Publike në Bashkinë e Kukësit.
“Me faktin dhe akuzën u njoha dhe për sa më pyesni dhe më akuzoni kam për të shtuar se nuk kam shkuar për të vrarë njeri, por në momentin që kam shkuar, aty Qerimi (vëllai i të plagosurit) i ka drejtuar armën babait tim Izetit (Muçmata), në këto momente kam shkuar menjëherë te makina dhe kam marrë një armë tip pistoletë që e kisha në bagazh dhe kam qëlluar në drejtim të rrugës ku ishin dy vëllezërit Qerimi dhe Elvisi Halilaj, po të kisha qëllim për t’i vrarë unë e kisha atë mundësi, por nuk kam pasur qëllim vrasjen e asnjë personi. Unë, kur kam mësuar se pikërisht shtetasit Qerim e Elvis Halilaj kishin rrahur sot te agjencia e Bicajve vëllanë tim Zenelin, i cili ka ngelur pa ndjenja i shtrirë në tokë”, deklaroi në polici Muçmata.
Ky konflikt ka filluar për shkak të detyrës së Zenel Muçmatës, i cili punon në Bashki në funksionin e Drejtorit të Drejtorisë së Shërbimeve Publike dhe Elvis Halilaj pretendon se ka ndikuar ose ka ndërhyrë drejtpërdrejtë për largimin nga puna të Elvis Halilajt.
29-vjeçari u vetëdorëzua një natë më parë në Polici, disa orë pasi plagosi Elvis Halilajn në fshatin Bicaj të Kukësit.
Lexo edhe:
