Ardian Ismajli do të jetë gati për Atalantën që në ndeshjen e radhës. Kjo është ajo që shkruajnë mediat italiane, që bëjnë me dije se mbrojtësi do të jetë në dispozicion të Empolin, për sfidën e fundjavës ndaj Atalantës.
Pas dëmtimit të pësuar në ndeshjen ndaj Juventusit, Ismajli mungoi ndaj Udineses dhe Milanit, me Empolin që pësoi disfatë në të dyja sfidat.
Ai ka luajtur 23 ndeshje këtë sezon. Për të, ky është sezoni i katërt te Empoli, ndërsa emri i Ardjan Ismajlit është përfolur shpeshherë në skuadra të mëdha për një transferim të mundshëm.
