Skuadra e Interit është e plakur dhe duhet një rinovim total në merkaton e verës. Sipas mediave italiane, tre lojtarë në përfundim të kontratave janë praktikisht të larguar nga zikaltrit.
Bëhet fjalë për mesfushorin Henrikh Mkhitaryan dhe mbrojtësit Francesco Acerbi e Matteo Darmian. Nuk pritet që Interi të rinovojë me ta për shkak të moshës.
Ndërkohë, të larguar janë de facto edhe Joaquin Correa, Marko Arnautovic dhe portieri Raffaele Di Gennaro. Ata nuk kanë më vend në milano.
Stefan De Vrij është gjithashtu në fije të perit, por rinovimi automatik i kontratës së tij me 12 muaj e mban në skuadër të paktën deri në verën e vitit 2026.
