Një aksident është shënuar këtë të mërkurë në aksin rrugor në hyrje të qytetit të Këlcyrës, ku një automjet që drejtohej nga një 35-vjeçar është përplasur me një motor.
Për pasojë ka pësuar dëmtime drejtuesi 64-vjeçar i motorit, i cili është dërguar në spitalin rajonal të Gjirokastrës.
Drejtuesi i automjetit, u shoqërua në komisariat, për veprime të mëtejshme.
“Rreth orës 18:30, në aksin rrugor “Ura e Leklit-Këlcyrë”, në hyrje të qytetit të Këlcyrës, automjeti me drejtues shtetasin E. C., 35 vjeç, banues në fshatin Mezhgoran, është përplasur me motomjetin me drejtues shtetasin D. K., 64 vjeç, banues në Këlcyrë.
Si pasojë është dëmtuar shtetasi D. K., i cili ndodhet në Spitalin Rajonal Gjirokastër, në kujdesin e mjekëve.”– njofton policia.
Grupi hetimor ndodhet në vendngjarje dhe po kryen veprimet e mëtejshme për aksidentin.
