Trajneri i Real Madrid, Carlo Ancelotti, foli në konferencë për shtyp, në prag të sfidë së kthimit ndaj Manchester City-t në Champions League.
Spanjollët fituan 3-2 në ndeshjen e parë në Angli dhe referuar këtij rezultati, trajneri i City-t, Pep Guardiola tha se skuadra e tij ka 1% shanse për tu kualifikuar.
Megjithatë nuk ishte i këtij mendimi Ancelotti, i cili tha se pret një përballje shumë të vështirë. Ai foli edhe për arbitrat, duke thënë se në Champions janë më të mirët.
“Unë nuk e mendoj si Guardiola. Mendojmë se na pret një ndeshje e vështirë. Ne po përpiqemi të përgatitemi mirë dhe të rikuperojmë lojtarët. “Pres një ndeshje argëtuese, të komplikuar, të vështirë. Ne po mundohemi ta përgatisim mirë dhe t’i lëmë lojtarët të rikuperohen. Ideja është të planifikohet e njëjta ndeshje, duke marrë parasysh të gjitha vështirësitë që sjell kjo lloj ndeshjeje. Një ndeshje në të cilën gjithçka luhet në 90 minuta”.
Nuk mendojmë për precedentët e të kaluarës. Me arbitra europianë ka më pak polemika dhe më pak ndërhyrje nga VAR-i, i cili ndërhyn kur është e nevojshme. Këtë e thonë statistikat. Në Champions League janë arbitrat më të mirë të shteteve të ndryshme dhe cilësia është shumë më e lartë”, deklaroi Ancelotti.
Ndeshja Real Madrid-Manchester City do të luhet të Mërkurën e 19 Shkurtit, duke nisur nga ora 21:00, në stadiumin “Santiago Bernabeu”.
