Teuta ka njoftuar në rrjetet sociale se Bledar Devolli nuk do të jetë më trajneri i klubit. Shkarkimi i 47-vjeçarit ka ardhur pas humbjes 3-0 të Teutës ndaj Laçit.
Bledar Devolli mori drejtimin e Teutës pak javë më parë, pas largimit të Edi Martinit. Në katër ndeshje në stolin e durrsakëve, tekniku numëron tre humbje dhe një barazim.
Ndërkohë pasuesi i Devollit do të jetë Bledar Hodo i cili do të marrë rolin e trajnerit të parë, ndërsa pjesë e stafit të të tij do të jenë përgatitësi i portierëve Bledian Rizvani dhe përgatitësi altetik Mark Dodaj.
Teuta renditet në vendin e parafundit me 24 pikë dhe rrezikon rënien në Kategorinë e Parë.
Njoftimi i klubit:
Klubi i futbollit Teuta njofton se ka shkëputur marrëveshjen me trajnerin Bledar Devolli. KF Teuta falenderon trajnerin për kontributin e dhënë gjatë periudhës qe drejtoi skuadrën blu, dhe i dëshirojmë shëndet dhe shumë suksese në të ardhmen.
Bledar Hodo do të marrë rolin e trajnerit të parë ndërsa pjesë e stafit të të tij do të jenë përgatitësi i portierëve Bledian Rizvani dhe përgatitësi altetik Mark Dodaj.
