Një gol në Kupën e Italisë dhe paraqitje pozitive duke qenë titullar në tre ndeshjet e fundit të Milanit.
Joao Felix ka pasur një impakt të mirë në aventurën e re, për të cilën foli pas ndeshjes kundër Veronës duke deklaruar se:
“Jam shumë i lumtur. Mendoj se po përmirësohemi dita-ditës. Mund të kishim shënuar më shumë, por e rëndësishme është që morëm tre pikët. Personalisht ndihem më mirë çdo ditë. Edhe skuadrën e shoh mirë. Mëkat që nuk shënuam disa gola sepse raste nuk na munguan. Duhet të luajmë kështu të martën.
Nëse bëjmë atë që bëmë kundër Veronës, jam i bindur se do të fitojmë. Besoj se jemi një ekip fantastik, kemi më shumë cilësi se ata dhe do të fitojmë”.
Nesër Milani do të luajë kundër Fejnordit. Lidhur me sfidën e Champions-it, portugezi tha: “Është ndeshja më e rëndësishme e sezonit. Duhet të fitojmë. Do të shënojmë, jam i sigurt për këtë. Atëherë do të duhet të jemi të aftë për të mos pësuar”.
