Sali Berisha, gjatë fjalës së tij në Kuvendin e Shqipërisë, e cilëson ministrin e Ramës, Blendi Gonxhen si një hajdut me çizme!
Ai i ka kërkuar Blendi Gonxhes të tregojë sa janë fitimet e kompanisë së tij që e ka me emrin e djalit.
Berisha e ka akuzuar Gonxhen se në vitin 2023, duke dyfishuar dhe trefishuar të gjitha shërbimet, iu mori taksapaguesve shqiptarë 35 milionë euro.
“Ky zotëri, në vitin 2023 duke dyfishuar dhe trefishuar të gjitha shërbimet, iu mori taksapaguesve shqiptarë 35 milionë euro. Ky zotëri, dyfishoi çmimin e prodhimit për leje drejtimi, nga 1 mijë në 2 mijë lekë.
Për testin praktikë çmimin e rriti me 800 lekë. Çmimin për lejen e drejtimit të kategorisë B e rriti me 2200 lekë, për kategoritë e tjera 2800 lekë, përkatësisht, nga 500 dhe 600 që ishin.”- deklaroi Berisha.
Berisha denoncon se djali i Blendi Gonxhes, me kompaninë e tij të transportit ndërkombëtar, është përfituesi kryesor i ligjeve dhe rregullave që nxjerr i ati.
Më tej ai deklaron se Gonxhe po shpërdoron 60 milionë euro të taksapaguesve shqiptarë për të ndërtuar pistën e “formula uno”, duke shkelur çdo ligj.
“A e dini sa ka shpenzuar ky për rikonstruksionin e zyrave? 7.5 milionë rikonstruksion. Ç’jeni kështu mor, ju nuk keni asgjë me socialistët. Po si mund të ndërtohet ndërtesa me 7.5 milionë në një garë të çmendur për të vjedhur dhe vetëm për të vjedhur.
A e dini ju planin e tij? 60 milionë euro shpërdorime, dhe po ndërton pistën e formulave uno, duke shkelur çdo ligj, duke shkelur çdo rregull, ky hajdut që ka vetëm standardin e lubisë.
Ndërton pistën me para të taksapaguesve jashtë çdolloj buxheti shtetëror, jashtë çdolloj rregulli. Ja, ky që flet këtu.”– thotë Berisha.
- Deklarata e plotë e Berishës
Ky këtu është vëlla siamez me lubi Ballukun. Shiheni pak, të gjithë aty. Sikur të ishte ndarë mëdysh nuk dalin ndryshe. Më dëgjo pak tani se çfarë ka ky.
Ky zotëri, në vitin 2023 duke dyfishuar dhe trefishuar të gjitha shërbimet, iu mori taksapaguesve shqiptarë 35 milionë euro. Ky zotëri, dyfishoi çmimin e prodhimit për leje drejtimi, nga 1 mijë në 2 mijë lekë.
Për testin praktikë çmimin e rriti me 800 lekë. Çmimin për lejen e drejtimit të kategorisë B e rriti me 2200 lekë, për kategoritë e tjera 2800 lekë, përkatësisht, nga 500 dhe 600 që ishin.
Ja, kush është ky. Por a e dini kush është përfituesi kryesor i tij? Djali i këtij me kompaninë e transportit ndërkombëtar. I biri, fiks, i këtij hajduti me çizme që mbani ju. Po, po.
I biri i tij është përfituesi kryesor i ligjeve dhe rregullave që nxjerr ky. A e dini sa ka shpenzuar ky për rikonstruksionin e zyrave? 7.5 milionë rikonstruksion. Ç’jeni kështu mor, ju nuk keni asgjë me socialistët. Po si mund të ndërtohet ndërtesa me 7.5 milionë në një garë të çmendur për të vjedhur dhe vetëm për të vjedhur.
A e dini ju planin e tij? 60 milionë euro shpërdorime, dhe po ndërton pistën e formulave uno, duke shkelur çdo ligj, duke shkelur çdo rregull, ky hajdut që ka vetëm standardin e lubisë.
Ndërton pistën me para të taksapaguesve jashtë çdolloj buxheti shtetëror, jashtë çdolloj rregulli. Ja, ky që flet këtu.
Dil, thuaj pak njëherë. Sa janë fitime të kompanisë tënde me emrin e djalit?
Prandaj o zotëri, ia thashë atij Peleshit, por ai e ka gojën të mbyllur. Se në një kohë kur i lini pensionistët me 160 euro, në kohë kur lini të sëmurët me sëmundje të rënda pa ilaçe, në një kohë kur lini ndihmë ekonomike qesharake, shpenzoni për shishen e verës 33,600 euro, për vazon tek kryeministria 5 milionë, për charter 20 milionë, për garderobë 870 mijë. Vetëm njëra zonjë, po t’i marr ato zonjat tjera unë. Po nuk jeni ju, se janë ministre ato. Të dini ju blerjet online të tyre, turpëroheni. Nuk kanë kufij!
Ai iku u zhduk, se ia kam këtu të gjitha të dhënat atij. Do mbroj padiskutim interesin e qytetarëve. Se të bësh djalin me kompani transporti kur je vetë drejtor i Përgjithshëm të Shërbimeve të Transportit, a ka vjedhje më të madhe se kjo? Më thoni pak? Çfarë doni tjetër?
