Një aksident me vdekje ka ndodhur mbrëmjen e sotme në fshatin Thumanë në Krujë, ku drejtuesi i një automjeti ka përplasur një këmbësor.
Sipas informacioneve paraprake, mësohet se shtetasi me iniciale D. S., rreth 32 vjeç, ka aksidentuar këmbësorin shtetasin me iniciale G. Gj., rreth 36 vjeç, i cili për pasojë ka humbur jetën.
Blutë bëjnë me dije se drejtuesi i automjetit është shoqërar në komisariat, për veprime të metejshme procedurale.
“Krujë/Më datë 17.02.2025, rreth orës 19:15, në fshatin Thumanë, Krujë, automjeti me drejtues shtetasin D. S., rreth 32 vjeç, ka aksidentuar këmbësorin shtetasin G. Gj., rreth 36 vjeç, i cili për pasojë ka humbur jetën. Drejtuesi i automjetit po shoqërohet për në Komisariat, për veprime të metejshme procedurale”, njofton policia.
