Katër shqiptarë kishin fshehur në shtëpi katër kilogramë kokainë, të ndarë në pako dhe të ruajtura në dollapët e kuzhinës.
Droga u zbulua nga policia, e cila pas një aktiviteti hetimor të përpiktë dhe të shënjestruar, zbuloi një treg të gjerë të tregtimit të drogës në provincën e Pordenones.
Aktiviteti i vëzhgimit, kontrollit dhe hijezimit i ka vënë agjentët në gjurmët e tregtarëve të lëndëve narkotike dhe në këtë mënyrë policia ka mundur të monitorojë në kohë reale negociatat për blerjen e 4 kg kokainë si dhe shitjet tek përdoruesit individualë.
Kështu u kapën katër shtetas shqiptarë, tre prej të cilëve ishin arrestuar në flagrancë tetorin e kaluar, të akuzuar për posedim të lëndëve narkotike me qëllim tregtimin.
Grupi kishte një strukturë të mirëorganizuar me një ndarje të detyrave dhe roleve të individëve në veprimtarinë e trafikut të drogës. Autoriteti gjyqësor ka kërkuar dhe marrë masën e arrestit me burg për një 31-vjeçar, arrest shtëpie për një 33-vjeçar dhe detyrimin për qëndrim në të njëjtin vend për dy të tjerët, të dy 30-vjeçarë.
