Buja ishte e madhe e diçka pritej. Ishte e qartë se Jannik Sinner nuk do t’ia hidhte pa lagur çështjes së dopingut, dhe ja ku erdhi vendimi.
Agjencia Botërore e Antidopingut, UADA, njofton se ka arritur akord me numrin 1 të tenisit botëror të meshkujve për një pezullim 3 mujor.
Ky pezullim, për shkak të shkeljes së rregullave për dopingun nga ana e Sinerit marsin e vitit të kaluar, vlen që nga 9 shkurti deri në 4 maj.
Kjo do të thotë se italiani nuk do të humbasë Grand Slemin “Rolan Garros” në Paris, që është edhe objektivi i tij i madh pas fitores në Australian Open.
Njëzetetrevjeçari do të marrë pjesë edhe në turnetë e tjerë të rëndësishëm në Romë, Indian Uells, Majemi, Montekarlo e Madrid.
Siner doli pozitiv në kontroll antidoping në mars 2024, për substancën klostebol, ndonëse nuk pati dënim të menjëhershëm për të.
Kampioni nga Tiroli I Jugut është dy herë radhazi fitues në Australian Open, dhe një herë në US Open, pra duke pasur 3 tituj Grand Slem deri tani në karrierë e 19 gjithsej.
Fitues I gati 40 milionë USD në fushën e lojës, Siner cilësohet si pasardhës I denjë I yjeve të mëdhenj të tenisit si Gjokoviç, Nadal dhe Federer.
