Një ngjarje e mundshme kriminale brenda familjes është parandaluar nga Policia në fshatin Podgorie të Maliqit. Më konkretisht, një person kërcënonte me thikë bashkëshorten e tij dhe djalin e tyre 16- vjeç.
Autori është arrestuar nga Policia dhe bëhet fjlalë për shtetasin B. B., 57 vjeç, i cili akuzohet për veprat penale “Dhuna në familje” dhe ” Prodhimi dhe mbajtja pa leje e armëve të ftohta”
“Nga veprimet hetimore dyshohet se ky shtetas ka kanosur me mjet prerës thikë, bashkëshorten e tij dhe djalin e tyre të mitur, pas një konflikti për motive të dobëta, të cilët u pajisën me urdhër mbrojtjeje. Shërbimet e Policisë kanë gjetur dhe sekuestruar në cilësinë e provës materiale mjetin prerës thikë.” – thuhet në njoftimin e Policisë.
Materialet procedurale i kaluan Prokurorisë së Korçës për veprime të mëtejshme.
