Papa Françesku është shtruar në spitalin Policlinico Agostino Gemelli të Romës, për të vijuar trajtimin për bronkitin.
“Këtë mëngjes, Papa Françesku u pranua në Poliklinikën Agostino Gemelli për disa teste të nevojshme dhe për të vazhduar trajtimin për bronkitin që po zhvillohet aktualisht në një mjedis spitalor”, njoftoi zyra e shtypit e Vatikanit.
Transferimi në spital mëngjesin e sotëm, të premte 14 shkurt, u bë në përfundim të seancave në Casa Santa Marta.
Shtrimi i fundit në spital i Papës daton në qershor të vitit 2023, kur ai iu nënshtrua një operacioni në zorrë. Ai është rikthyer në spital edhe në nëntor 2023 dhe shkurt 2024, por vetëm për kontrolle ditore.
