Policia ka arrestuar një 65-vjeçar pasi shkaktoi një aksident teksa drejtonte automjetin në gjendje të dehur në aksin rrugor “Patok-Laç”.
65-vjeçari ka përplasur një 63-vjeçar që lëvizte me biçikletë, i cili ndodhet në spitalin e Traumës në Tiranë.
“Specialistët e Sektorit të Qarkullimit Rrugor arrestuan në flagrancë shtetasin T. G., 65 vjeç, banues në Laç, pasi në aksin rrugor “Patok-Laç”, duke drejtuar automjetin, në gjendje të dehur, ka përplasur biçikletën me të cilën lëvizte shtetasi P. K., 63 vjeç, i cili po merr mjekim në Spitalin e Traumës, Tiranë.”- njofton policia.
