Arrestimi i kryebashkiakut të Tiranës Erion Veliaj, ka nxjerrë në pah jetën e luksit që bënte çifti Veliaj Xoxa.
Në njoftimin për arrestimin e kryebashkiakut Veliaj, SPAK bëri me dije se bashkëshortja e tij Ajola Xoxa, ka shpenzuar për katër vite mbi 860 milionë lekë të vjetra për veshje dhe bizhuteri.
SPAK më tej shton se këto shpenzime nuk rezultojnë të jenë deklaruar në asnjë nga Deklaratat Periodike të Veliajt si edhe personave të lidhur me të
“A. X., vetë ose nëpërmjet personave të tjerë të afërt me të, për një periudhë kohore prej rreth 4 vitesh, ka bërë blerje online të cilat konsistojnë në veshje, bizhuteri etj, në masën 86,721,175 lekë. Këto shpenzime nuk rezultojnë të jenë deklaruar në asnjë nga Deklaratat Periodike të titullarit të Bashkisë Tiranë si edhe personave të lidhur me të”, thuhet në njoftimin e SPAK.
