Ndeshja mes Partizanit dhe Tiranës, e cila hap këtë javë të Superiores, duket se nuk po nis me këmbë të mbarë dhe rrezikohet të shtyhet starti i duelit.
Shkak është bërë një problem me policinë i klubit bardheblu, pasi eskorta e forcave të rendit mësohet se nuk ka shkuar në kohë të marrë ekipin në hotelin ku është akomoduar para sfidës, siç parashikohet për ndeshje të tilla dhe bardheblutë kane refuzuar të lëvizin pa ta.
Kësisoj, Tirana ka mbërritur në stadium me vonesë dhe për pasojë është vendosur zyrtarisht nga FSHF që starti i derbit të shtyhet me 30 minuta, për t’u bërë në orën 14:00.
