“Arena Kombëtare” sërish nuk do të jetë gati. U bë e shpeshtë që ndeshja më e madhe e futbollit shqiptar, ose të luhet jashtë qytetit të cilit I përket, ose që të zhvendoset në një impiant më minimal.
Këtë të diel, për herë të parë në histori, dueli Partizani-Tirana do të luhet në “Arenën e Demave”, në stadiumin e klubit të të kuqve në Tufinë, dhe kjo sepse fusha e stadiumit kryesor të kryeqytetit nuk është gati.
Nuk do të jenë 10 apo 15 mijë tifozë në tribunat moderne, pasi fusha është në mbjellje bari, ndonëse ndeshja e kombëtares ndaj Andorrës luhet në 24 mars.
Orari është 13:30, sepse policia nuk ka dhënë garanci që një Partizani-Tirana të mund të luhet në mbrëmje, duke pasur parasysh situatën me infrastrukturën në klubin e të kuqve dhe në rrugët drejt tij.
Formacionet e mundshme:
Partizani 4-3-3: Qirko; Janjeva, Preka, Domgjoni, Bytyçi, Ismaili, Mehmeti, Taipi, Zeka, Bintsuka, Podstrelov
Tirana 4-2-2: Selmani, Meta, Kola, Dembele, Përgjoni, Ndreca, Soler, Rafael, Prengaj, Ernest, Jarmouni
