Policia ka marrë të gjitha masat për protestën që opozita do të mbajnë ditën e sotme në orën 17:00 përpara Kryeministrisë.
Që prej orëve të para të mëngjesit është bllokuar qarkullimi në bulevardin “Dëshmorët e Kombit”, ndërsa dera e Kryeministrisë edhe këtë herë është veshur me mburojë metalike.
Ndërkohë, efektivët kanë vendosur kamera në shtylla dhe megafonë, për t’iu bërë thirrje protestuesve në rast incdidentesh. Gjithashtu, edhe shtyllat janë lyer me graso.
Ndërkohë, opozita ka nisur me montimin e podiumit, pasi ashtu siç është paralajmëruar, ndryshe nga protestat e kaluar, demokratët sot do t’iu rikthehen fjalimeve përpara militantëve.
