Atalanta nuk është dorëzuar aspak në garën për titullin kampion në Itali. Skuadra bergamaske ka arritur të fundosë ekipin e Veronës në transfertë me rezultatin e thellë 5-0.
Në këtë fitore të skuadrës zikaltër mori pjesë dhe Berat Gjimshiti, i cili asistoi në njërin prej katër golave të shënuar nga Retegui. Gjithashtu, mbrojtësi shqiptar u vlerësua si më i miri në treshen e mbrojtjes së Atalantës, me notën 8.
Kjo fitore e pozicionon skuadrën e Atalantës në vendin e tretë të Serie A me 50 pikë të grumbulluara, një më pak se Interi dhe katër pikë larg Napolit. Këto dy të fundit kanë një ndeshje më shumë për të luajtur.
