Nuk është një kodër natyrale, por grumbulli masiv i mbetjeve urbane të bashkisë së Elbasanit dhe më gjerë, që prej më shumë se një viti grumbullohen pranë inceneratorit të Elbasanit, që duhej t’i përpunonte për të ulur ndotjen dhe për të prodhuar energji.
Që nga momenti që ky incinerator u bllokua nga SPAK mbi dyshimet për abuzime dhe korrupsion, mbetjet janë kthyer në një rrezik për banorët e zonës përreth inceneratorit dhe madje edhe më gjerë.
Për ambientalistët elbasanas, situata e krijuar me mbetjet është tejet e rrezikshme jo vetëm për zonën përreth dhe Elbasanin, por edhe më gjerë.
Jashtë kameras, drejtoresha e inceneratorit, Leli Kaja, shprehet se janë lajmëruar institucionet ndërlidhëse mbi situatën dhe deri tani nuk ka asnjë përgjigje konkrete, ndërsa situata rëndohet çdo ditë e më shumë, pasi pranë këtij inceneratori që nuk punon depozitohen rreth 100 ton mbetje urbane çdo ditë, raporton A2CNN.
Lexo edhe:
Inceneratori i Elbasanit djeg para publike dhe rrit malin me plehra në landfill
