Një ngjarje e rëndë është shënuar gjatë kësaj të enjte në Ersekë, ku një 70-vjeçar ka humbur jetën në vendin e punës.
U mësua se bëhet fjalë për Dhimitraq Peçi, i cili po punonte në një objekt, ku dyshohet se ka rënë aksidentalisht nga skela dhe ka humbur jetën.
“Rreth orës 14:30, në bllokun nr. 4, Ersekë, dyshohet se aksidentalisht, duke punuar në një objekt, është rrëzuar nga skela, shtetasi Dh. P., 70 vjeç, i cili ka humbur jetën në vendngjarje”, thuhet në njoftimin e policisë.
Grupi hetimor po punon për sqarimin e rrethanave të ngjarjes.
