Shqiptari Brajan Gruda ka folur së fundmi në podcastin e klubit të tij Brighton në Premier League, ku ndër të tjera ka komentuar edhe zgjedhjen që pritet të bëjë për kombëtaren që do të përfaqësojë.
Edhe pse ai ishte pjesë e Gjermanisë në listën paraprake të Europianit, 20-vjeçari është shprehur se ende nuk është ka vendosur.
Ai rrëfen se shumë shqiptarë i shkruajnë vazhdimisht që përfaqësojë kombëtaren kuqezi, madje edhe prindërve të tij, por deri tani nuk e ka marrë një vendim.
“Mbiemri im është i vjetër dhe i njohur në veri të Shqipërisë. Tifozët shqiptarë më njohin dhe duan që unë të luaj për Shqipërinë. Ata më shkruajnë mua dhe prindërve të mi për këtë. Nuk kam vendosur ende. Për kë preferoj të luaj? Nuk dua ta them”, u shpreh Gruda.
Ai u transferua në merkaton e verës nga Gjermanët e Mainzit dhe tashmë dalëngadalë po arrin të bëhet pjesë e formacionit të skuadrës angleze.
