Rimini- Nga njëra anë hajdutët e specializuar për mallra luksi, nga ana tjetër trafikantët e drogës.
Dy grupe kriminale, të lidhura me njëri-tjetrin dhe të përbëra kryesisht nga shqiptare, u çmontuan falë një operacioni të kryer nga Karabinierët e kompanisë Rimini dhe qytete të tjera italiane.
Deri tani ka 61 persona të arrestuar, 8 mln euro kokainë dhe hashash, që sigurohej nga shitja e materialeve të vjedhura dhe paratë.
Mes të dyshuarve është edhe një karabiniere që akuzohet se bashkëpunonte me organizatën. Grupi është i dyshuar edhe për vjedhjen në shtëpinë e pensionistes Pierina Paganelli, e cila mbeti e vrarë gjatë sulmit.
Hetimi i koordinuar nga Prokuroria e Romagna, nën drejtimin e kryeministrit Davide Ercolani, çoi në arrestimin e 61 personave. Vetëm gjatë agimit të sotëm (5 Shkurt) janë ekzekutuar 39 masa paraprake. Mes të arrestuarve është edhe një karabiniere me shërbim në Rimini, e dyshuar si bashkëpunëtore me bandën e grabitësve.
Vitin e kaluar, krahas vjedhjeve të banesave, grupi kriminal dyshohet se ka qenë përgjegjës për një grabitje me dhunë ndaj një mesoburri, të cilit i kanë vjedhur me dhunë një ‘Rolex’ me vlerë 45 mijë euro. Nga hetimet rezultoi se shtëpia e të moshuarit iu tregua grabitësve nga vetë karabinierja e ndaluar.
Grupi mësohet të jetë i përfshirë edhe në vjedhjen me pasojë vdekjen e ndodhur në shtëpinë e Pierina Paganelli, megjithëse hetimet janë ende në vijim. Me atë rast, hajdutët kanë hequr vulat dhe kanë thyer një kasafortë, e cila më pas është gjetur e zbrazët në një fushë. Megjithatë, nuk ka asnjë lidhje mes bandës dhe vrasjes së 78-vjeçares.
Dy grupet kriminale kanë vepruar në mënyrë të koordinuar. Vjedhjet e shtëpive ndoqën një model të mirëpërgatitur, me bandën që synonte bizhuteri, kasaforta, rroba të stilistëve dhe orë me vlerë. Të ardhurat nga grabitjet u riinvestuan më pas në trafikun e drogës, kryesisht kokainë dhe hashash të importuar nga jashtë.
Vlera totale e drogës së sekuestruar llogaritet në mbi tetë milionë euro, por me prerjen dhe shpërndarjen e saj do të sillte fitime rreth 25 milionë euro. Në mesin e bashkëpunëtorëve të dyshuar të bandës është edhe një pronar i një dyqani në Rimini, aktualisht nën hetim, i cili thuhet se ka modifikuar ambientet e brendshme të disa automjeteve për të krijuar vende fshehjeje të përshtatshme për transportin e drogës, informon media italiane.
Hetimet u nisën në mars 2024, pas një sërë vjedhjesh të kryera përgjatë Riviera Romagnola. Tashmë më 19 janar, katër anëtarë të bandës ishin arrestuar midis Rimini dhe Riccione. Në një kohë të shkurtër, grupi kishte grumbulluar një sasi të madhe mallrash luksi, duke përfshirë 40 ora të dizajnuara me vlerë totale 800 mijë euro, veshje ekskluzive dhe 20 mijë euro cash, të ardhurat e të cilave siguroheshin nga aktivitetet e trafikut të drogës.
Gjatë kontrolleve u gjetën edhe armë zjarri, përfshirë pushkë të mbushura me municione, që ishin të vjedhura mes Romagna dhe Lombardisë.
