El Salvadori është vertëofruar për të pranuar “kriminelë të rrezikshëm” të mbajtur në burgjet amerikane, duke përfshirë ata me shtetësi amerikane, thotë Sekretari i Shtetit i SHBA-së Marco Rubio.
Sipas mediave të huaja, pas takimit me Presidentin Nayib Bukele në një vizitë në vendin e Amerikës Qendrore, Rubio tha se SHBA ishte “thellësisht mirënjohëse”, duke shtuar se “asnjë vend nuk ka bërë kurrë një ofertë miqësie si kjo”.
El Salvadori gjithashtu do të pranojë për deportim emigrantë të çdo kombësie që janë kriminelë dhe ndodhen në SHBA në mënyrë të paligjshme, tha Sekretari i Shtetit.
Rubio e ka lavdëruar Bukelen për politikat e tij mbi dhunën e bandave, të cilat kanë ulur në mënyrë dramatike normat e krimit në El Salvador, dikur kryeqyteti i vrasjeve në botë, por që nismat e tij janë kritikuar nga grupet e të drejtave të njeriut.
Rubio u tha gazetarëve: “Ai ka ofruar të strehojë në burgjet e tij kriminelë të rrezikshëm amerikanë në paraburgim në vendin tonë, përfshirë ata me nënshtetësi amerikane dhe rezidencë të ligjshme”.
“Ne jemi thellësisht mirënjohës. Unë fola me Presidentin Trump për këtë më herët sot,” tha ai.
Rubio është në turneun e tij të parë jashtë shtetit si kryediplomati amerikan dhe ka kërkuar të pohojë prioritetet e administratës Trump në rajon, duke përfshirë kërkesën që Panamaja të bëjë “ndryshime të menjëhershme” në atë që ai e quan “ndikimi dhe kontrolli” i Kinës mbi Kanali i Panamasë.
