Kandidati për kryemininistër i Lëvizjes Vetëvendosje, Albin Kurti, e nisi fjalimin gjatë tubimit elektoral në Podujevë duke pretenduar se “populli e di kush i mbron kufijtë e Kosovës”.
Kurti shmangu përmendjen e Richard Grenell në fjalim, i cili ka kritikuar Kryeministrin e Kosovës.
Sakaq, ai foli edhe për Serbinë, duke i bërë të qartë se Kosova e ka moralin e lartë por edhe armët të mbushura.
“Po të ishin ato partitë e tjera, do të kishte qenë problem me këto komunat kufitare. Kur e ke kojshinë e keq, duhet të mbash moralin lart dhe pushkën plot”, tha Kurti.
