OpenAl sapo ka lançuar modelin o3-mini, më të shpejtë, më të zgjuar dhe më efikas se kurrë. Me arsyetim të avancuar, saktësi të përmirësuar dhe performancë më të mirë se DeepSeek, OpenAl o3 është krijuar për detyra matematikore, shkencore dhe kodimi.
Ofron qasje falas për të gjithë, me kufizime të zgjeruara për përdoruesit me pagesë. Bëhet e ditur se ky model është shumë i avancuar në zgjidhjen e problemeve. Dhe siç raportohet, ka mposhtur startupin kinez DeepSeek në saktësi, efikasitet dhe shpejtësi të përgjigjes.
Mësohet të jetë më i fortë në fusha si matematika, kodimi dhe arsyetimi logjik, në krahasim me modelet e mëparshme. Ndër të tjera, ka aksesueshmëri më të gjerë. Është i disponueshëm për përdoruesit e ChatGPT falas dhe abonentët Plus/Pro.
Lajmin për lançimin e këtij modeli të avancuar e ka bërë të ditur vetë shefi i OpenAl, Sam Altman, në një postim në X. “o3-mini ka dalë! Model i shpejtë, i zgjuar. I disponueshëm në ChatGPT dhe API”-shkroi Altman.
Kompania OpenAI ka prezantuar një version të chatbotit popullor ChatGPT me një abonim mujor prej 200 dollarësh, i cili mund të përdoret në fushat inxhinierike dhe për kërkime. Qëllimi i kompanisë është të zgjerojë aplikimin industrial të teknologjisë së saj.
Një nivel i ri i quajtur ChatGPT Pro është shtuar në abonimet ekzistuese, të cilat përfshijnë ChatGPT Plus, Team dhe Enterprise. Ai nënvizon ambiciet e kompanisë për të komercializuar më tej teknologjinë e saj, e cila ka nxitur “bumin e AI”.
ChatGPT Pro do të sigurojë qasje në mjetet më të avancuara OpenAI, duke përfshirë qasje të pakufizuar në modelin e ri të arsyetimit o1, si dhe o1 mini, GPT-40 dhe zërin e avancuar.
Abonimi përfshin gjithashtu 01 pro mod, një version që përdor fuqi shtesë kompjuterike për të zgjidhur pyetje më komplekse. OpenAI thekson se 01 pro mod ka performancë më të mirë në standardet e mësimit të makinerive në matematikë, shkencë dhe kodim krahasuar me versionet o1 dhe o1-preview.
