Galatasaray ka qenë një ndër ekipet me aktive në ditët e fundit të afatit të merkatos. Së fundmi, gjiganti turk zyrtarizoi transferimin e Alvaro Morata-s nga Milan, por nuk kanë ndër mend të ndalen me kaq.
Galatasaray është hedhur në “sulm” për Ardian Ismajlin, kontrata e të cilit skadon në verë tek Empoli. Klubi i Serie A nuk dëshiron që shqiptari të largohet falas në verë, duke parë interesin e disa klubeve, largimi i Ismajlit në merkaton verore nga Empoli është i sigurt.
Nicolo Schira raporton se Ismajli po konsiderohet si një zëvendësues i mundshëm për Victor Nelsson, danezi la klubin turk për Romën.
Ende nuk dihet oferta ekonomike që Galatasaray ka menduar për mbrojtësin e Shqipërisë, detajet pritet të mësohen ditët në vijim. Kujtojmë që merkato në Turqi mbyllët më 13 shkurt.
Për Ismajlin ka pasur interes dhe nga klubet e mëdha në Serie A si Lazio, Napoli, është përmendur dhe Juventus, por klubi turk nuk do të presë deri në verë por do të tentojë ta transferojë që tani shqiptarin.
