Administrata Trump njoftoi zyrtarët kanadezë të shtunën se SHBA do të vendosë një tarifë prej 25%, për mallrat kanadeze thanë burimet për New York Times.
Presidenti Donald Trump po vendos tarifat e tij të shumëpritura në Kanada, megjithëse importet e naftës nuk do të goditen aq rëndë. Zyrtarët kanadezë i thanë New York Times se qeveria amerikane i informoi ata të shtunën se një tarifë 25% do të hyjë në fuqi të martën, por nafta do të ketë një tarifë prej 10%.
Nëse Trump vendos një tarifë më të lehtë për naftën kanadeze, kjo sugjeron gjithashtu se Shtëpia e Bardhë kërkon të shmangë detyrimin e amerikanëve të paguajnë më shumë për karburantin dhe nxitjen e inflacionit.
Disa rafineri amerikane, veçanërisht në Midwest, mbështeten shumë në naftën e papërpunuar kanadeze për të prodhuar benzinë dhe lëndë djegëse të tjera.
Otava është gati të hakmerret këtë mbrëmje me Justin Trudue i cili pritet të dalë në një konferencë për shtyp në orën 18:00 lokale.
Megjithatë burimet i thanë David Cochrane të CBC se Trump është gati të rrisë tarifat nëse Kanadaja hakmerret.
