Teuta ndërhyn në merkato. Klubi durrsak ka firmosur me sulmuesin Dejvid Kapllani. Lajmi është bërë publik nga klubi, nëpërmjet një postimi në rrjetet sociale.
“Klubi i Futbollit Teuta njofton afrimin e fundit të merkatos së janarit, duke rikthyer në shtëpi sulmuesin Dejvid Kapllani! 23-vjeçari do të jetë zyrtarisht futbollisti më i ri i Teutës, duke u rikthyer aty ku hodhi hapat e parë si futbollist.
Klubi i uron mirëseardhje Kapllanit dhe sa më shumë suksese me fanellën blu!”, shkruhet në njoftimin e klubit.
Kujtojmë që 23-vjeçari ka qenë edhe më parë pjesë e kësaj skuadre (2019-2023), ndërsa ka kontribuar edhe për Erzenin dhe së fundmi për Kastriotin.
