Marcus Rashford do të jetë futbollisti më i ri i Aston Villa. Sulmuesi anglez ka vendosur të mbyllë aventurën e tij me Manchester United, për të nisur një të re në “Villa Park”, të paktën deri në fund të sezonit.
Kjo për shkak se sulmuesi do të jetë në formë huazimi nga United te Aston Villa. Drita jeshile është dhënë nga vetë lojtari, me Rashford që largohet nga United për shkak të marrëdhënieve me trajnerin Ruben Amorim.
Anglezi lë kështu “Djajtë e Kuq” për herë të parë që nga viti 2014, kur u bashkua me ta në ekipet e moshave. Edhe pse ka kontratë të vlefshme deri në verën e vitit 2028, Rashford është gati për aventurë të re.
