OSBE ka reaguar pasi Këshilli Drejtues i RTSH-së vendosi i pezullimin e garës për zgjedhjet e drejtorit të ri të këtij institucioni.
Përmes një njoftimi për mediat, OSBE shkruan se i është bashkuar thirrjes së shoqatave të gazetarëve. Më tej OSBE thekson se procesi për zgjedhjen e drejtorit të ri të RTSH, duhet të jetë transparent dhe bazuar në meritë.
OSBE shprehet se pret me interes seancën dëgjimore të së hënës për këtë çështje.
“Prezenca e OSBE-së në Shqipëri i bashkohet mbështetjes ndërpartiake, Asociacionit të Gazetarëve, SCIDEV-Center dhe Safe Journalists në mirëpritjen e vendimit të RTSH-së për të pezulluar procesin e zgjedhjes së Drejtorit të Përgjithshëm. Bëjmë thirrje për një proces transparent, të bazuar në meritë, duke siguruar drejtësi dhe llogaridhënie, dhe presim me interes seancën dëgjimore të së hënës”, thuhet në reagimin e OSBE.
Lexo edhe:
Presioni nga politika, Këshilli Drejtues i RTSH-së kthen në garë të s’kualifikuarit për drejtor
