Një 33-vjeçar është arrestuar në flagrancë në Kamëz, pasi lëvizte i armatosur. Gjatë kontrollit në automjet, atij i është gjetur një armë zjarri pistoletë dhe një sasi e municionit luftarak të cilat i janë sekuestruar.
“Si rezultat i kontrolleve të befasishme të kryera nga shërbimet e Komisariatit të Policisë Nr. 5, në automjete të ndryshme, është goditur një rast i armëmbajtjes pa leje. Në rrugën “Donald Trump”, gjatë kontrollit në automjetin me drejtues shtetasin M. M., shërbimet e Policisë gjetën një armë zjarri pistoletë dhe një sasi fishekësh.
Në përfundim të veprimeve, shtetasi M. M., 33 vjeç, banues në Kamëz, u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”- njofton policia.
Materialet procedurale i kaluan Prokurorisë, për veprime të mëtejshme
