Florent Hasani nuk është më lojtar i Rapidit të Bukrueshtit. Klubi rumun dhe futbollisti shqiptar kanë zgjidhur kontratën me marrëveshje, teksa lajmi është bërë i ditur përmes një postimi në rrjetet sociale.
“FC Rapid dhe Florent Hasani kanë arritur marrëveshje për të shkëputur kontratën!”– shkruan Rapidi i Bukureshtit ndër të tjera.
Kujtojmë që 27-vjeçari ka mbajtur veshur fanellën e Tiranës. Gjithashtu, Ai ka luajtur edhe për DVTK në Hungari dhe Kfar Saba në Izrael.
Hasani u transferua nga Tirana te Rapidi në janarin e vitit 2024. 27 vjeçari i kushtoi klubit rumun 300 mijë euro, por performancat e tij duket se nuk e kanë kënaqur “gjigantin” e Rumanisë.
Në 34 ndeshje të zhvilluara me fanellën e Rapidit, Hasani ka shënuar vetëm 1 gol dhe ka asistuar në 3 të tjerë.
