Një person është arrestuar nga komisariati i Policisë në Malësinë e Madhe, pasi akuzohet si autori i grabitjes me thyerje të një dyqani gjatë natës në Koplik.
Në pranga është vënë shtetasi Lorenc Rushaj, 31 vjeç, banues në fshatin Bajzë, i cili akuzohet për veprën penale “Vjedhja”.
“Nga veprimet hetimore dyshohet se ky shtetas ka vjedhur me thyerje, gjatë natës, në një dyqan, një shumë parash dhe produkte ushqimore, të cilat u gjetën dhe u sekuestruan në cilësinë e provës materiale.” – thuhet në njoftimin e Policisë
Materialet procedurale i kaluan Prokurorisë së Parë Shkodrës për veprime të mëtejshme.
