FSHF ka nxjerrë në shitje biletat për sfidën kundër Andorrës, më 24 mars, ndeshja e eliminatoreve të Botërorit 2026 e cila do të luhet në stadiumin “Arena Kombëtare” në Tiranë.
Çmime “të kripura” për Kombëtaren, me tifozët që edhe pas porte do duhet të paguajnë më shumë se në ndeshjet e tjera për të parë të preferuarit e tyre.
Çmimet variojnë nga 2 mijë lekë të reja deri në 35000 lekë. Kategori të tjera ku mund të blihen bileta janë me 15 mijë, 10 mijë dhe 5 mijë lekë të reja.
Kjo do të jetë dhe ndeshja e parë në shtëpi për kualifikueset e Botërorit 2026. Më 21 mars ndërkohë, në transfertën e Anglisë, do të hapet fushata e kualifikueseve.
Biletat e ndeshjes: Shqipëri – Andorra
FSHF nënvizon se biletat do të shiten vetëm ONLINE në këtë link dhe çdo faqe tjetër është e paautorizuar për të shitur bileta.
