Personi i cili u arrestua dy netë më parë në zonën e ish-Bllokut në Tiranë, pasi u kap me armë zjarri pistoletë në brez djhe një krehër me fishekë është biznesmeni i njohur Mark Kola. Ky i fundit është pronar i disa lokaleve dhe bizneseve të tjera në kryeqytet.
Ndaj tij, blutë e kryeqytetit ngritën akuzën për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Ai ka qenë duke lëvizur me automjetin e tij luksoz në rrugën “Pjetër Bogdani”në momentin kur është ndaluar nga unfirmat blu, ku mjeti i është sekuestruar në cilësinë e provës materiale, bashkë me armën dhe fishekët.
Prapaskena mëson se biznesmeni 34-vjeçar, në momentin e ndalimit, ka qenë në makinë me vajzën e një biznesmeni tjetër të njohur. Zonjusha, e cila duhet të procedohet për moskallëzim krimi, po fshihet nga policia dhe strukturat shtetërore.
Burime nga policia theksuan se ka pasur shumë telefonata sa kërcënuese, aq edhe të papërshtatshme, për të mbuluar këtë ngjarje. Po sipas burimeve, sot vijojnë ndërhyrjet e paligjshme ndaj prokurorit të çështjes, me qëllim lehtësimin e pozitave të biznesmenit, pasi rrezikon deri në 7 vite burg për armëmbajtje pa leje.
