“Lëvizja Bashkë” e drejtuar nga Arlind Qori ka nisur mbledhjen e firmave për t’u regjistruar për zgjedhjet parlamentare të 11 Majit.
Sipas Kodit Zgjedhor, partitë politike që nuk zotërojnë mandate në Kuvend duhet të sigurojnë mbështetjen e të paktën 5,000 zgjedhësve në shkallë kombëtare.
Aktivistët e “Lëvizjes Bashkë” kanë ngritur pika në kryeqytet për të mbledhur firmat, ku kërkojnë dhe mbështetjen e qytetarëve për programin e tyre.
Reagimi:
QYTETARËT JANË FORCA JONË
Aktivistët e Lëvizjes BASHKË dolën përpara Bibliotekës Kombëtare për të kërkuar mbështetje për programin dhe aktivitetin politik të Lëvizjes. Qytetarët e shumët i informuam për idetë tona dhe mbështetjen e Lëvizjes BASHKË në muajt që u paraprijnë zgjedhjeve të 11 majit.
Sot qindra qytetarë na dhanë firmën e tyre për regjistrimin e Lëvizjes BASHKË në zgjedhje.
Ne do të vazhdojmë të luftojmë për drejtësi shoqërore, për minimum jetik, paga e pensione dinjitoze, të drejta në punë, vlerësim sipas meritës dhe shërbime publike cilësore.
Në ditët dhe javët e ardhshme aktivistët tanë do të jenë në shumë qytete të Shqipërisë për të mbledhur mbështetjen e qytetarëve dhe përhapur idetë dhe frymën tonë përparimtare.
