Këshilli Drejtues i Radio Televizionit Shqiptar (RTSH) në mbledhjen e kësaj të hëne, kanë votuar për kandidatët që janë në garë për postin e drejtorit të RTSH-së, pas largimit të Alfred Pezës.
Mbledhja është mbajtur pa transparencë për publikun, por RTSH raporton se nga votimi i fshehtë i anëtarëve të këshillit, janë skualifikuar 3 kandidatë, ku nga votimi është arritur rezultati i mëposhtëm.
- Klinton Rama, 4 vota pro, 5 vota kundër;
- Jetmir Shpuza, 7 vota pro, 2 vota kundër;
- Ermal Hoxha, 3 vota pro, 6 vota kundër;
- Eni Vasili, 4 vota pro, 5 vota kundër;
- Aurora Polo, 7 vota pro, 2 vota kundër
Një votë e pavlefshme.
Nga gara janë skualifikuar Eni Vasili, Klinton Rama dhe Ermal Hoxha, teksa dy kandidatët që vazhdojnë për më tej dhe do të thirren në fazën e dëgjesës janë Jetmir Shpuza dhe Aurora Polo.
Në garë ishin edhe emrat e kandidatëve Laureta Roshi, Floriana Paskali, Harilla Koçi, Enrik Mehmeti dhe Flamur Buçpapaj, por nuk dihet nëse Këshilli ka votuar për ta apo jo dhe si janë skualifikuar ata nga gara.
Këshilli Drejtues i RTSH-së ka vendosur që seanca dëgjimore me 2 kandidatëve do të zhvillohet të premten në orën 10:00.
