Eliminatoret e Botërorit 2026 janë tashmë në fokusin e stafit të Kombëtares Shqiptare. Deri në debutimin ndaj Anglisë më 21 Mars, trajneri Sylvinho dhe ndihmësit e tij, Zabaleta dhe Doriva pritet të zhvillojnë një sërë takimesh me futbollistët shqiptarë që aktivizohen në kampionatet elitare.
Pas Pragës ku ndoqën me vëmendje në aksion Qazim Laçin dhe Kristjan Asllanin, treshja e pankinës kuqezi ishte në stadiumin e Bristol për të vëzhguar nga afër performancën e Anis Mehmetit.
Sulmuesi i krahut qëndroi në fushë për 75 minuta në fitoren 2-1 ndaj BlackBurn, për të merituar notën 6.3. 24-vjeçari ka dhuruar një performancë të mirë në këtë sezon, me 29 ndeshje dhe 9 gola të shënuar në të gjithë kompeticionet.
Nivel i jashtëzakonshëm për Mehmetin, i cili konsiderohet me tepër potencial nga stafi i Kombëtares Shqiptare.
Trajneri Sylvinho vlerëson Mehmetin, i cili mund të jetë në fushë për duelet e muajit Mars, ndaj Anglisë në Londër dhe Andorrës në Tiranë.
