Ditën e sotme do të luhen dy ndeshjet e fundit të vlefshme për javën e 22 të Superiores. Këto sfida do të zhvillohen paralelisht, duke nisur nga ora 17:00.
Supersfida që merr vëmendjen kryesore është ajo mes Vllaznisë dhe Egnatias. Në stadiumin “Loro Boriçi”, dy ekipet do të kërkojnë me doemos 3 pikët, në “luftën” për kreun e renditjes.
Në krahun tjetër, po një sfidë interesante do të zhvillohet në “Elbasan Arena”. Elbasani pret Laçin e Francesco Morieros, me të dy skuadrat që janë në nevojë për pikë.
