Tirana është rikthyer te fitorja duke mposhtur Bylisin në transfertë me rezultatin 0-3. Ernest ishte protagonisti kryesor i këtij takimi, me sulmuesin nga Liberi që realizoi një gol, por u ndëshkua dhe me të kuqe.
Sfida nisi “zjarr”, me dy ekipet që zhvilluan një futboll të hapur ofensivë. Ernest, sulmuesi i ardhur gjatë merkatos së janarit, lëshoi sinjalin e parë në minutën e 30-të, por sulmuesi nga Liberia goditi keq duke shpërdoruar një rast të pastër për gol.
7 minuta më pas, Ernest korrigjoi veten, u shkëput shpejt dhe me një parabël dërgoi topin në rrjetë duke sjell festë në radhët e bardhebluve.
Tirana e nis edhe pjesën e dytë në sulm, por topi i futur në qendër nga Prengaj nuk u shfrytëzua si duhej nga Enesrt. Tirana ishte superiore në këtë transfertë, me ekipin e Shkëmbit që gjeti edhe golin e dytë në minutën e 62-të, me një skemë fantastike nga goditja e dënimit, e finalizuar nga Ndreca.
Pikërisht atëherë kur gjithçka po shkonte në mënyrë perfekte, për të ndërlikuar këtë transfertë për Tiranën mendoi Ernest i cili u ndëshkua me karton të kuq pasi një faulli të rëndë, vendim i konfirmuar nga VAR
. Epërsia numerike e Bylis nuk zgjati shumë pasi në minutën e 74-ët, Oforin u ndëshkua me karton të kuq për faull ndaj lojtarit të fundit. Në fund pati kohë edhe për golin e Jarmouni, me Tiranën që feston për këtë sukses jetik që i largon provizorisht nga zona e kuqe.
