Kreu i Inspektoratit të Mbrojtjes së Territorit (IMT), Enea Çepele dhe inspektori, Sali Musta pranë Bashkisë Roskovec janë pezulluar nga detyra, pasi akuzohen se kanë lejuar ndërtime pa leje.
Ata akuzohen për veprën penale “shpërdorim detyre”, teksa ndaj tyre është caktuar nga Prokuroria e Fierit masa “detyrim paraqitje” në policinë gjyqësore.
Procedimi penal nisi lidhur me ngjarjen e ndodhur më 14 shtator 2024, ku në fshatin Suk-1, Njësia Administrative Strum, Bashkia Roskovec, ka humbur jetën shtetasi me iniciale S.B., gjatë kohës që ai kryente punime për llogari të shtetasit E.D.
Ndaj shtetasit E.D, u caktua më parë masa e sigurimit “Arrest në burg”, si i dyshuar për veprën penale “Shkelja e rregullave te mbrojtjes në punë”, “Shpërdorimi i tokës”.
Krahas këtyre veprave, në dinamikë të hetimit u provua se shtetasi E.D, ka kryer ndërtim pa lejen e organeve kompetente. Për këtë fakt të evidentuar është regjistruar ndaj tij si person nën hetim dhe vepra penale “Ndërtimi i paligjshëm”.
Prokuroria e Fierit bën me dije se gjithashtu, ka arritur të evidentojë faktin se Inspektoriati i Mbrojtjes së Territorit pranë Bashkisë Roskovec, ka qënë në dijeni dhe ka lejuar kryerjen e punimeve pa leje, në një sipërfaqe rreth 320 m2, mbi tokë bujqësore, për qëllime ekonomike dhe pa lejen e organeve kompetente, në këtë rast Bashkia Roskovec
